السلام عليكم ورحمة الله وبركاته:
اخواني أخواتي هذه قصيده الامير عبيد بن علي الرشيد وهو يتكلم في قصيدته عن الرفقة واين كان ومن اي قبيلة يكون رفيقة فالرفيق بأفعاله وعلومه الطيبة .
انقل لكم هذه القصيدة واتمنى ان تنال اعجابكم ..........................(نرجو المعذه اذا كان هناك اخطاء في الاملاء)..........................اخوكم
طلبت ربٍ يعلم السر والغيب = يقبل صلاة ثم يقبل صيامى
ويجعل لنا عرضٍ نزيهٍ عن العيب = ويفكنا من شر سو الأثامى
ابن ادم ملفا الردى والعذاريب = لو مافعل رميت عليه التهامى
جليت عن نفسي شبا الشك والريب = ولا حسب يلقون العرب بي كلامى
وربعي لقوا بي عقب شيبي عذاريب = تسطير كذب أمفسرين الحلامى
قلت أخبروني وش بنفسي من العيب = قالوا على ساقت رفيقك تحامى
وقلت أن هذا من قديمٍٍ بنا عيب = مستارثينه من خوال وعمامي
العيب ترك المعرضه بالمواجيب = وإلا الرفيق أبفزعته ما نلامى
رفيقنا عده بروس الشخانيب = يجبر بنا لو مكسره بالعظامى
ورفيقنا لوهو من الجد بصليب = متعلقٍ منا بذروة سنامى
ورفيقنا ما نجدعه للقصاصيب=في راس حيدٍ نايفٍ ما يضامي
والشر ما نسعى لجره بتقريب = وندرى الى هبت لنا بالأولامى
هذي قدايمنا الى عدوا الطيب = وكل يريع لفعل اهله القدامى
ويوم الغوى مانستشير الزواريب = ان طار عن سود العيون اللثامى
ومركاضنا يشبع به الطير والذيب = ونروي حدود مصقلاتٍ ظوامى
ونلحق على سردٍ يجنك جناديب = بمطارقٍ مع مثل صف النعامى
يتلون ابو بندر ربيع السعاييب = اللى على خيره تعيش اليتامى
فأن سلم راس امبيد الكنس النيب = حريبنا مايهتني بالمنامى
غنو بها ياراكبين العياسيب = من مصرٍ الغربي ليا دار يامى
شارخ أخذنابه زبون المهاليب = وش جاب سطوة مطبر ٍ وبن لامى
قصيدة الامير عبيد الرشيد في الرفقه والخوة
العرض العادي
