قصيده في شمر ارسلها لي الشاعر سعد الصايحي .
بديت بأسم الله والله اكبــــر=الواحد اللي بيده الملك جبـــار
الواحد المعبود علام للســــــر=هو اللذي يعلم خفيات الاســرار
مابعد ذكره عن شعوري اعبر= كتبت من اقصا ضميري هالشعـار
ياراكب اللي لا مشا ماتعثـــر=جمس جديد وللمسافات بيطـار
للشمري عده علي لا تأخــــــر=بالباخره عبره مسافات وابحـار
يلفي على منهو له اليوم ينطـر=ينطر وصول الجمس كنه على نار
له هيبته يوم المتحدين تفتر=شفت الزعل بعيونه وشبة انوار
هو الوحيد اللي للوعار يعبـر=وليا زهمته شب من تحته النــار
ابشر بغاليك لو القاع تخطـر=من مصدره امصممينه للخطـــار
سواقها من لابتي ولد شــمــر=نسل الطنايا قايتي نسل الخيار
من عادته دايم للخطار يعبــــر=ولا همته من دنيته اصغارواكبـار
الروح يرخصها اذا قال تــبــشــر=يمشي على درب المنايا والخطـار
لا قيله دونك ترى الجو ممطــر=يمشي ولا همه الزلق او المطـار
باله مهو يم الينادي ويهثــــر=باله يم اللي كتب له هلشعـــار
يومن وصللي قلتله لا تأخــــــر=اوصل سلام الصايحي يم الاخيار
يوصل سلامي الابتي كل شمـر=سلام عام يعمها اكبار وصغــــار
سلام صادق كنه سحابه وتمطــر=سلام يوصل الطنايا الاحـــــــرار
سلام ود و ود من شاعرآحـــــر=سلام ود و ود لناسن اخيـــــــار
بالك تمثنا اصغر اعيال شمــــــر= لان اصغرهم كبر جبل سنجـــــار
تاريخهم بالجود والطيب يذكـــر=تاريخ واضح مثل شمس" النهار
للعز سيف وللمعادين نبتـــــــر=سيف" شطير وللمعادين بتــار
حنا اللذي أفعالنا مـثل القـمــــر=افعالنا تعلم بها كل الديـــــــــــار
اقلوب بيض وعلى الردي ماننقهـر=لان الردي مهما تعب حيل ينهــار
لان شمر نار مواريثه جـــــــمر=والجمر على ردي النفس حــــار
من دور نجد افعالنا دوم تذكــر=وحنا اللذي نحمي مراقيب سنجار
وجبال حايل بالطنايا تفاخـــــر=له الفخر بالشمري مثل سنجــار
والله يحفظ لباست الشمق الحمر=وسجل لنا التاريخ كلمه للذكـار
والكل يدري جبل سنجار شمـر=يومن بعض الناس تنهار تنهــار
عجزت والله عن شعوري اعبــر=ومهما كتبت اشعار واشعارواشعار
ان قلت كل الشعر والله مقصـر=مايوفي كل الشعر في ناس" اخيار
اقول انا وفي قولي لي الفخــــر=لان شمر عزوتي كان الزمن جـار
قصيدة في شمر
العرض العادي
