رشيد بن طوعان السويدي شاعر كبير اشتهر في شعره على مستوى قبيله شمر ففي قصيده جيمع اغراض الشعر من رثاء ومدح وافتخار وهجاء ودفاع وكان في عهد اماره العلي في حكم السعوديه الثانيه ولحق على اول حكم الرشيد وسوف نستعرض قصايده على شكل حلقات
رشيد ابن طوعان يرثى الفارس المشهور هذلول الشويهري بعد ماقتل فيقول
الكبد يبست وايبسه هم هذلـول =والشـرب عيـا لايبـرد غليلـه
والراس شاب وشيب القلب هذلول = والعيـن عيـا لايكمـل هميلـه
البارحه قامت تنـوح ام هذلـول = مثل الخلوج اللـي تزايـد عويلـه
والله فلاجابنـه البيـض هذلـول = مثل الفهد ياطب فـرق الجميلـه
والله فلا يطلع لنا مثـل هذلـول =حمـاي تالـي شمـر ٍ بالدبيـلـه
ليا ركب ريمه على الخيل هذلـول = كم عزبه ٍ بالقيض يطوي صميلـه
يامن خبر نيـه عقـابٍ بهذلـول = من يذبح البارد وهو مـع دخيلـه
والله فلا تبـرد مساميـر هذلـول = وعقاب ما رزت عليـه النصيلـه
يالله وان ترمي عقـابٍ بهذلـول = يارب يامنطـي العطايـا الجزيلـه
يذكر الشاعر المواقف التاريخيه ومن هذه المواقف صور شاعر رشيد بن طوعان بطوله الفارس هايس القعيط حيث اثرى هذا الحدث في ملحمه شعريه تحكي نبل الشاعر وذكر محاسن الخصم حيث اشاد بقوة خصمه وجسارته الا ان قبيلته بفرسانها قادره على ان تسطير على الخصم
شيخ غزى بس الزماميل والخيل = يبي مقانيصه بغرات الاجناب
اول زمانه بيد الكنس الحيل = وخبط بيمناه البحر عقب ماشاب
وياجت على درب القسى والمصاويل = شيخ يقلط لول الزمل نجاب
وارح النذير وفزع النزل بالليل = والخيل ركبت ماجلا فيها الاداب
وغشى زبار وريك مثل الهماليل = ونشبت رماح القوم بقطي الاصحاب
ترايعو للهوش ربع مشاكيل = حماية التالين والخيل هراب
عيال الطنايا معربين الاخاويل = ومعهم سناعيس عريبين الانساب
تصافقوا بالغف بحد الغراميل = والله علم بمصافق الحر لعقاب
الكل منهم فارس يردع الخيل = متكاضمين مثل ابا زيد وذياب
اولاد وايل مثل جاري السيل = قدامهم ربع يعوقون الاطلاب
مافوقهم كود الجوخ والسراويل = ورماح يوردن اشهب الموت بحراب
شمر على قب المهار المشاويل = حريبهم له لذة النوم ماطاب
حريمنا لشيخ زجن هلاهيل = توكدن من شلعت الحر لعقاب
وحريمهم يشدن صريخ المحاحيل = جاهن علم مع هل الخيل ماطاب
ياضبيب لو ذبحت كل الزماميل = ذبحت دخيل البيت ماتفتح الباب
ذبحتهم ياضبيب عقب التعاليل = وفعلت فعل يااسود الوجه ماطاب
عينت شيخ واقع بايمن الخيل = شيخ عليه البيض قددن الاجياب
شيخ عليه البيض جددن بالويل = تعاطفن مثل المغاتير الاشباب
مثل البكار اللي يخططن بالنيل = الهنف زينات المذارع والارقاب
غدوبه اللي يلبسون السراويل = اكالت الديوان بديار الاجناب
وان كان نوت تزعج الصوت بالحيل = لعيون هيفا نردع الشيخ بحجاب
انحمد اللي بالوسى عدل الميل = صارت عليكم يوم قديت الاسباب
اربع ليال مالقوه المداوير = عليت يا وجه كوح الصبح بتراب
يا عقاب سلف عند وجهك مشاكيل = وانت القضى بهذلول عواق الاطلاب
دنياك هذي يالعواجي غرابيل = من قد جيب الناس قدوله اجياب
هاتين البيتين من قصيده يمدح ويفتخر فيها بافعال العقيد / طويرب العميم السويدي ومن يعرف تكمله القصيده يتحفنا بها مشكوراً
يأهل البكار الحيل وطويرب ٍ مات = مير ألقحوهن وأودعوهن عشاير
كم ليله ٍ بأرض الخلا فوقهن بات = يودع على ذود المعادي جراير
4 - هذه القصيده قالها في مناسبه طرد عبد الله وعبيد عيال علي الرشيد عن ديرتهم حائل من قبل من ابناء عمهم العلي حكام حائل وهو يتوجد عليهم
يــاســيــف بـالك تـنادون بـرشـيد = الله لا يــبـلا بـيـوم جـرالــي
امس الــضحى جتنا علوم الـتواكيد = شيـخ الــجبـل من نـقرة السمـر اشالي
اودع الخل الشمـالي بــراريـد = خذوا على جـال الخـريـزه لـيـالـي
خلوا قصـر تصـافق بـه الـغـيـد = حريمهم تمـشي مع بـيـاض الدحالي
مـار ابـكـوا مـعـي تـروا الـبكا فيـه تبـريد = صبـوا دموع مثل صفــــق الدوالـي
قصر بــنـاه الله لكم يالقـواويـد = انـتـم خرابـه يـاعـفون الـرجالـي
دار جـفـت ريـف المعاميل وعبيد = تعطى الخراب ويذهـبون الرجالي
وشلـي بكـثـر الملقحه والقـواويـد = ياراح عـبدالله وعقيل القبالـي
صيـور ما ينـزل غـنـيـم على فيـد = نشوف من يـنــحـــى العدو بـالـفعالي
تبشرو بالـبـاج ياهل المعاويد = من جاب معـيده يبتحل بالريالـي
من قعد الــعبد الغـامه عـلــى الســيـد = ينعم بصلـو الشمـس عـقـب الضـلالي
انعـى كمـا يـنعـى رضـيـع عـلى الـديـد=ليــازاد مكـروب علـيـه الزمالـي
ولما رجع عبدالله بن رشيد واخذ مقاليد الحكم في حائل قرب رشيد بن طوعان واكرمه وفي ذلك الوقت زار غنيم الرضاء من شيوخ قبيله عنزه بن رشيد وجاب له الهدايا واصحبه ارسل عبد الله الرشيد لرشيد بن طوعان وكان كبير بالسن وعمى ولما جاء لمجلس الامير قال بن رشيد هذا غنيم الربضاء سلم عليه فسلم عليه في هاتين البيتين
ياغنيم عندك هايس نطلبك دين = حماي تالي شمر (ن) بالسنودي
ان ماجزاك الشيخ عنها صباحين = ماهو ولد على عريب الجدودي
لان غنيم قتل هايس القعيط وهو طاعن في السن ورد الامير عبدالله هدايا غنيم واعطاه المهربات قال لاتطيع فيني هرج الشايب العمى قال اذا هذا كلام العمى اجل كيف كلام المبصر
الموضوع منقووول للكاتب((
فرحان محمد السويدي))
نبذه عن الشاعر رشيد بن طوعان
العرض العادي
