مما قال الشاعر الكبير / مناور محمد الشمري 0 رداً على الشاعر / تركي عطالله المطيري
على قاف قصيدته التي انتقص بها من( حــــــــــــاتــــــــــــم الطـــــــــائـــــــــــــــي )
يـــالله يامجـــــري ذعاذيــــع نــوده ***** عــلام ما نبـــدي ومـا كــان نـخفــيه
نرجـــوك فـي وقتك اترابـه اوهـوده ***** يالــواحـــد اللـي كـل مخلـوق يرجيه
عبــدك ايترجــــاك وأنت أمعبـوده ***** ولاهـــو غني عـنك لـو ما نت مغنيه
وفـاك لــو نـــأخذ مـع الشعر نــوده ***** والبيــت بــا لمــعنى نشـده ونــبنيـه
الشعــر عندي منهلن مـن اعـدوده ***** اقطع ضمى العطشان بالشعر واللويه
وأسباب ماهـــاض البيوت بحشوده ***** هـــرجن لفـــى يعــــالم الله ايحييه
كم واحدن يــبي أسهوده أمهوده ***** ويجيـــه ملقوفن يحـــده ويــتوزيـه
بعـض البشـــر تقـل حركـات دوده ***** يدخـــل بشين مايخصــــه ويعنيه
واللـي يقــــولـه مايحـسب اردوده ***** هــــذاك قـلبه مرقـــلاتن كراسيه
وإبـن عطـــالله لـيه بيـح إسـدوده ***** يقـــول قولــــن مايحكــم معانيه
الطـرقي اللي داشرن بــه قـعوده ***** عـــزالله إنـــه تايهن مـــع متاييه
وإبليس دللـى بالشكيمه يـقــوده ***** ركـــب عليه وقام يمســــح علابيه
مـار الحـقايـق لــو جحدها جحـوده ***** للـــــنور ناســن تــظهره ماتخفيه
وش جــاك ياتـركي تجرهمة كوده ***** تقــول لــك قولــن على غير تاجيه
هــو صـيد قـلبك ضايقنه احقوده ***** اللــودعك عــوج واللــسانك أتلويه
أو عنـد نفـسك زدت الـفـين زوده ***** هرجــن تقــــوله ماتحسب التاليه
أو المعـرفـه خــاليه مـن وجــوده ***** أو مال عـــزوة طي عندك مشاريه
نـطحت حضـك يالمطيري سـنوده ***** مثل العمى اللي ما يقدي مواطيه
ذميت حاتم وأنت تعرف شيوده ***** يـــالله دخيلك ليه حظـــك اتدربيه
هل اللحــود أطلعتها من الحوده ***** قــدام ربــك ويـــن وجهك اتوديه
غلطت لك غلطه كثيـــرن انقوده ***** مــار الخطـــاء ماعانق الخير راعيه
غلطت من قشر ظميــرك وسوده ***** تقـــول حـــاتم لا تجيبون طــاريه
لاوالله ألا أطــريه وأذكر أجـهوده ***** ولا والله الا أبمدحــه وأفتخــر فيـه
ولا يزعــل تــركي بحامـــي وقوده ***** يـــزعل ولا يرضى ولاني مترضيه
ناقــف مــواقيف الرجال الصموده ***** وعـــاداتنا خصيمنا مـــا أنــداريه
وطرق الخطاء والذم ماهي امحموده ***** لاشك مــن يخطي علينا أنخــزويه
وتــركي خــذا بالظلم روحه وعوده ***** وحضه بــــرجله دايسه وامتوطيه
مايستحــي يــسب حـاتم وجــوده ***** اللي جميع الناس تشهـد الماضيه
حتى الرسول المصطفى من اشهوده ***** كـــان انت ياتركي تذمه اوتشنيه
ما خفت محيي بالصحاصيح عـــوده ***** يرجيـه عــودن يابســــن بالمهاميه
مدحت سلطان العــرب بالإنشـوده ***** والمـدح اللي كذا عسى اللي يلويه
ترى الرجل عيب إيتعدى احدوده ***** وجرح المشاعر ما احد امشجعك فيه
لاتزحم العــالـم تحدك احــــدوده ***** ويعيفــــونك فــي جميــع المناويه
واتصــير بيــن المخــاليق شـــوده ***** مثل الهدف كلن من الناس يرميه
وإن كــان قـلبك يلطمن الهــوده ***** عندي مساميرن أتجـــدد مكـــاويه
ولا اشنى امطير ولا أتعرض أبنوده ***** لا شـــانين علوى ولا شانين أبـــريه
لا شك ليت أمطير تمنع أغموده ***** قبـــل خطات الغـــمد تكثر بلاويه
من طاش يلقى من يلطم اخدوده ***** يطلع وتطلــع لـه أرجـــالن أتهديه
وسلطان حرن من حرارن هدوده ***** بــدون مديحك أفعولــه أتـــزكيه
شيخن شهر غصبن عليكم صعوده ***** راضيه ولا مأنت ياهــيه راضيــه
صميدعن خــذا الفخر من جدوده ***** لا مضــعفه تركي ولا هو أمقـــويه
الليث أبو خــالد وحـنا أجـــنوده ***** ضــــد الضديد اليا تبين أتحـــديه
حر الحرار اللـي كسب كل جوده ***** نقـــول عسى الله يفــــكه ويحميه