هذه القصيدة قلتها بعد ماطلعت على بعض المغالطات التي تحاول التقليل
من فعل سنجارة او عبدة في كون الشريف ووضع بعض الاضافات من الطرفين لصالح طرف على حساب الاخر علما بان هناك قصيدة معروفة عند الكثير من كبار السن وحفضوها قبل هذا التحريف وتتكون من سته وعشرين بيت فقط وهي القصيدة التي حققها واقرها الراوي الكبير فواز الغسلان
وايدها كبار السن من شمر
والفعل للعموم ونحن لانرضى باي كلمة تمس اي شمري فالفعل للجميع
وسنجارة وعبدة عينان في راس واي كلام نابي لاعتقد ان اي شمري يرضاه على اي بطن من بطون شمر العزيزة
امل ان تحوز على رضاكم
غـــــــــــــــــــــــــــــــــــــــــــــــــ ـــــــلبا
البارحة ليلي حشاء ماهو بليل=ليل قضيته بين هم وكوابيس
افكار تسامرني وانا مسامر سهيل=تصدر هواجيسٍ وتارد هواجيس
شي قريته يدبل الكبد تدبيل=والادمي قطعة مشاعر واحاسيس
اكتب لنا التاريخ من غير تحليل=يامسجل التاريخ خلف الكواليس
التفرقة ماهي لنا والتعازيل=اصل الفخر في ذكر كل السناعيس
اللابة الي فعلها يعز ويهيل=اهل النقا وقت اللقا والنواميس
شمر هل الطولات جيل ورى جيل=بالطيب طيب وبالمعارك مقابيس
سنجارة وعبدة والاسلم مداهيل=ساس المراجل اسسوا فيه تاسيس
علومهم ترجح على كل ماقيل=ياقيست الافعال تبقى مقاييس
جانا الشريف بجيشٍ يبيد الحيل=واكدوه ربعي مبعدين المراميس
ياراجة جيوشه مثل جاري السيل=تقول لطام البحر خيلٍ وعيس
هاز القبايل وانتحت عنه ياهذيل=واغواه شيطانه ووقع له ابليس
ورجع على شمر يبي منهم الكيل=في لحضة مابه تفاكير ياجريس
وهلت على الديرة بروق وهماليل=وبقدرة المولى غدا سيله اقبيس
لاقوه عبدة متعبين المعاميل=وصاروا لهم بجبال حايل متاريس
تسعين ليلة مابها قول او قيل=اكدوه بالردة عيال السناعيس
وصلت لسنجارة علوم ومراسيل=ان الجبل دبت عليه الجواسيس
وجوك الطنايا والطنا زايدٍ حيل=اولاد زوبع متعبين المحاميس
اهل السطر بالحرب عدالة الميل=ياما وقع بنحورهم من ملابيس
غدوا لهم زوبع وعبدة ابابيل=مشوا على راين تراوو به وديس
عيال غلبا تردف الخيل بالخيل=(فريس باللقواة وعيال فريس)
وصارت على الاشراف كرومصاويل=تجي كراديس وتنحي كراديس
هبت عليهم كل عوجا لها ذيل=ومالت عليهم ميلة الضيم والبيس
ينخى لبيصٍ يوم شاف المحاصيل=طاحوا بقوم مافرقت بيص وادريس
سنجارة وعبدة ولا فيه تاجيل=خذو قلايعهم وردوا مناكيس
خلا القلايع عند ربعٍ مشاكيل=بالسربتين اهل اللقاء والمداويس
هذي من الله عادة لاحصل عيل=نلحق على العايل بكر وتتريس
نسقيه من مداتنا الغبن والويل=عقب الهدير يعيش كل الوساويس
الشاعر : عمار السويدي
منقووووووووووووووووول