قصيدة جديدة للشاعر/ عمار السويدي وهي موجهه لكل من يتطاول على تاريخ الطنايا أو على رمز من رموزهم
انـا بالله مستعــــين وبــادي بـه مسلكــي
..............مــن بـدابه مايـخاف ولايــزل ولا يميـل
مايهــاب الكــون كله او يظــــام ويشتكي
.............والسلاح اللي نزل به نازل بسمه دخيل
عـزوتي شمــر وشمــر من كيـان مملكي
..............مـادروا بــك يالصْـغيّر لاكــــثير ولا قليـل
المـــراجل ماتهيــا بالســـوالف والحــكي
.............المراجل تعترف لك في بلوغ المستحيل
ماتجــي لـك بالتمنــي والتشــكي والبكي
.............يستحيل الا تجي لك بالكرم أو بالصقيل
ماتــهيـا وانت بالضــل مستريــح ومتـكي
.............ترتكي له ترتكي لك تطلعك راس الطويل
وانت ياللي حاسب انه بالتحدي ابركي
.............اقدح زنادك براسي واشعل براس الفتيل
والله اني مـن رجـال تحتـويك وتــرتكي
...........لاثقــل الشيــل وتشيله ماتشيـل الا الثقيل
الفحــي بـي يالــواهيب الهبــايب وافتكي
............والله اني مانشدتك عن ضلال وعن مقيل
شاحب وجهي وانا اركض بالسموم المهلكي
............كــل مافجـة بياحـة تلبسه زفـــرات ليل
عارف ان الجوع كافر وانت مثله مشركي
.............ايه كافــر بــس كافــر لابس وجـه جميل
جيت جايـع للمـراجل عايش بالفبركي
.............دون ماتزرع وتحصد تبي تجني لك حصيل
وانت عايش وسط جوي دايرٍ وسط فلكي
.............وادري انــك ماتطيـقه بس جعلك للمليل
علميــهم يالنــوايب غــربليــهم واعـلكــي
................كل من صارت حميره بالرخا زامات خيل
وش بقى لك ماخذيتي وش خذيتي وش لكي
...............قبل نخطي بالمعاتب او نضيمك او نعيل
المــواجه مانهــابه دايســـين المعــركي
..............والــدليل اذا حضــرنا مايتعدانا الــدليـل
يعلــم الله اني قبله حاسبك رجل زكي
...............ماتبرى من حضوضك لافترق خل وخليل
ياذكــي خــله عليــه والا تــدري ياذكي
............روح من وجهي وفارق وانت مطلوق السبيل
كما أضيف لكم بعض المقتطفات من قصائدة القديمة التي تتحدث عن نفس الموضوع
أمل أن تحوز على رضاكم
يوم الزمان اللي به الرمح والزرق
........انتم هله ياراس راس السنامي
أفعالكم على المخاليق به فرق
..........فرق على كل البشر والانامي
والطرق اللي مايبتديكم مهو طرق
.........والقاف اللي ماينتهيكم حرامي
مـن شمـر وشمـر ماعـاد فيهـا انقـسـام
..........لاتـوالــوا هـــل الـطــولات جـبـريــة
تنتهـي يالجـدال . وتنتـهـي يالخـصـام
..........عـنـد حـــدك تـوقــف جـــوك منـقـيـة
يـــاردون المـنـايـا رغـبــة وانـسـجـام
..........لاتـنـاخـوا بغـلـبـا وقــــت عـصـريــة
جيتـك وانـا مـن سـود الايـام منضـام
.............مدامنـي فــي صــدق ياكـذبـة ابـريـل
ياصاحبـي وقـت الشدايـد لـي احــزام
..............وبـيـدي اليمـنـى سـيــوف مصـاقـيـل
ربعي هل الطولات وقـت اللقـا حسـام
............مافيهـم الـلـي يقـبـل الضـيـم والمـيـل
مـن خلقـة الدنيـا وحـنـا لــه اعــلام
............ومن طلعة الشعـرا الـى غيبـة سهيـل
علم وصل لقصا اليمن وازعج الشـام
...............والا انــت ياكـرمـت ينـقـال ياحـلـيـل
الله خـلــق بـجـسـادنـا ارواح حــكــام
..............مالله خلقـنـا مـثــل بـــاق الرجـاجـيـل
اذا المـراجـل عـنـدك هـبـال وخـصـام
..............تــر الطـنـايـا كـــل ابـوهــم مهـابـيـل
يلـعـن ابــو وراك لـيـا صــرت قـــدام
.............تطرف عيـون وتكحـل عيـون بالميـل
دام الزمن مبني علـى غـش ووهـام
............ليش انت تحرجني وانا احرجك بالقيل
حسبي على الزما ن مـع سـود الايـام
.............ماعلمـتـك الـصــدق يـاكـذبـة ابـريــل
ولكم فائق إحترامي وتقديري