السلام عليكم ورحمه الله وبركاته
كيف الحال ...
اعضاء المنتدى وضيوف المنتدى عساكم طيبين
حبيت اشارك معاكم بمشاركه هي بصراحه (لطشتها من احد منتديات شمر)
قصيده اعجبتني وحبيت انكم تشوفونها وتقرونهااااااااااااااااا
هو : سلمان بن زيد بن خلف بن سلمان الرشدان من الرزين من الجعفر من عبده من شمر هل الزباره احد احياء مدينه حائل القديمه
شاعر وله باع في الشعر ولدعام 1251هـ وتوفي عام 1361هـ
كان سلمان امير على منطقه الجوف عندما كانت خاضعه لحكم ال رشيد
وفي احدى الليالي جالس مع ربعه وشافوا بارق وكلن يقول من يخيله
وخاله سلمان الرشدان وكان على ماتوقع من ركان جنوب حائل الى نوف شرق حائل وقال القصيده بعد ما صار كلامه صحيح
(صراحه مره اعجبتني القصيده)
أخيل براق وأنا بابرق الجوف
مزن تحدر شاق عيني بروقه
برقه على حد الوطا يسرق الشوف
ينشال قلبي يوم أناظر شعوقه
أخيل برقه من ركان الى نوف
وعسى على منزل ربوعي حقوقه
عساه وسم ويتبع الوسم بصيوف
حتى هشيم القشع تبرض عنوقه
ودي بشوفة ماطره مار مكتوف
تكتيف طير خادمين سبوقه
علمي بها من قبل مانطري الحوف
واليوم يافهاد رشفت مروقه
هذا زمان ياهلي مثل ماتشوف
من رقع الدنيا تبذه فتوقه
ركان : جبل جنوب مدينة حائل
نوف : جبل شرق مدينة حائل
فهاد : صديقه (فهاد السالم القويعي)
اتمنى اني ماكون طولت عليكم
ولكم اجمل تحياتي..
ر.ي.م