قصيدة للشاعر : ماجد بن شريعه الفداغي السنجاري الشمري
يقول :
نجـدٍ جفتنـا وانتحينـا لغـيـره=مابه طعام وقـل للطـرش مرعـاه
ويغتنـا خطـوا الـردي بالجـزيـره=دارٍ بحد السيـف رحنـا وخذينـاه
بين السبـاع اللـي تخيـف بزئيره=برماحنـا ومصقـل الهنـد / ننـحـاه
سرنا على خـوع الرقـاب الظهيـره=ضعايـنٍ تتلـى زبـون الونيـاه
مع درب ليثٍ مايطيـع المشيـره=بين الرفيعـي وبيـن عنـاز ممشـاه
نتلى ضعـن زيـزوم غلبـا واميـره=عقب الحميدي تكـع الاسـلاف تتـلاه
المنتفـق وابـن سويـط وظفـيـره=وعنـاز معهـا والرويلـي حربـنـاه
ونجـدٍ لنـا ياتايـه الـراي ديـره=خمسين جـد بجـوف قاعـه دفنـاه
وشمر عقـب زقـام صـارت بحيـره=وقاد الجهامه صيـرمٍ كنـه أباه
عبر بهـم شـط(ن) مياهـه غزيـره=ونوخ لهم بادنـى الجزيـره مطايـاه
من علم فارس صاب الابطـال ذيـره=مابين شطينـه مـن اقصـاه لأدناه
وقامت تشاور ويـن حـروة منيـره =والا تسـوق لفـرز الابطـال خـاواه
يحسب الطنا لغوش الطنايـا معيـره=يعًير ولاهو عـارفٍ ويـش معنـاه
ماتنفرق بعض البشـر مـن حميـره=الاب نطـقـه والـمـزايـا مـزايــاه
مايـدري انـه بالسيـوف الشطيـره=يحسبه شحاذه يوم رحنـا وشحذنـاه ؟
ولايـدري انـه والسبايـا مغـيـره=سبع القبايـل عـن جنابـه هزمناه
دار(ن) خذينـاه بحـرب(ن) مـريـره=وذرعان عطبين الضرايـب لويناه
واقفت علـى دجلـه وشـرق عبيـره=عيا العبيدي خوة الغصـب مااعطـاه
واللـي قعدبـه سـاق دون خـيـره=غصب(ن) عليه بسطوة السيف نـاداه
صرنـا لعصمـان الشـوارب نحيـره=برمـاح زينيـن المحـازم كسبـنـاه
وصارت (لشمـر) يالحلايا ذخيـره=الشمـري لا حدّه الضيـم ؟ ينـصـاه
حنـا الحـرار اللـي ذكرنـا نذيـره=بمركاضنـا لعيـون ( هيفـا ) ذبحـنـاه
و(هايس) حلف من عظم راسه بجيـره=اللـي ذبـح هذلـول ياكـود يجـزاه
من اقصى الجزيره يالطنايا مسيـره=وصاد ( العواجي ) طير شلـوى بمـدلاه
وجانا الشريف وشب للحـرب نيـره=برماح زهّيـد الطنـايـا كسـرنـاه
ورده علينـا بيـص وارخـا جريـره=ويديـه مـن حـد المـذارع قطعنـاه
وبغداد هـج مـن الأعاجم وزيـره=جانـا يفـزع وانتخينـا ونصـرنـاه
الموت وردوا غـوش غلبـا غديـره=والفرس مـن دار العروبـه .. طردناه
واقفت تسابق مـن غضبنـا فريـره=كم شيخٍ بحوافـر الخيـل ناطـاه
وصفـوق حكـام العـرب تستشـيـره=سبع الدول من هيبـة الليـث تـدراه
من اقصى الرها لاقصى جنوب البصيره=قضى علـى الاتـراك ويسـر بقايـاه
بسيوف غلبا كمـا البـروق المطيـره=حل الغضب ومجادع الـروس بعـداه
بنـا ( طنـا ) وبروسـنـا زود (غِـيـره)=كم حاكمٍ عنـد الكرامـه / عصينـاه
وهذا قليـل(ن) نذكـره مـن كثيـره=.تلخيص مـن تاريـخ غلبـا ذكرنـاه
وقعاتنـا يــوم المـلاقـا كبـيـره=كم فارسٍ بمصافق الخيل شحنـاه
إحترامي للجميع .